Irakasteko baldintzak sortu: ENTZUN.

Ba al dakigu entzuten? Ezetz esango nuke. Entzutea, besteak esan nahi duena ulertzea da.
Zenbatetan bihurtu dugu elkar-hizketa, bakar-hizketa? Norbera da egiaren jabe. Egia norberarena da. Bainan ondokoaren egia, zure bezain egi da. Elkar-hizketa ondokoaren egia deszifratzean datza. Aplikatu dezagun printzipio hau ikasleekin. Nor da egiaren jabe? Irakaslea? Nork bihurtzen du irakaslea egiaren jabe? Eta nola tratatzen dugu ikaslearen egia? Gai al gara ikasleak bere egia duela aitortzeko, entzuteko, ulertzeko? Erreflexionatu dezagun.
Emmanuel Kant-ek zioena gogoratu nahi dut: " No ver, separa a las personas de las cosas, no oír separa las personas de las otras personas"

Esan beharrik ez da, bi belarri eta aho baten jabe gera. Halere nago, bakarra duguna gehiago darabilgula bi belarriak baino. Baten batek esango luke,"eskerrak bi belarri ditugun..."

Amaitzeko, Carl Rogers-en beste esaldi borobil batek atentzioa deitu dit: "En la voz de los clientes (ikasle izan zitekeen ere), podemos escuchar al propio universo, más allá del mensaje inmediato de la persona, no importa de que se trate, está lo universal."

Olentzero maitea.

Gabonak datoz. Atzean utzi dugu ikasturtearen lehen zatia. Ez dut atzera begira jarri nahi. Aurrera begira jarri nahi dut. Eskari batekin nator. Ez nadila ikaslearen ikaste prozesuan oztopo izan. Entzun Olentzero nire eskaria. Irakastea, ikastea baino zailagoa da. Irakastea zailagoa da zeren eta irakasteak exijitzen duena da, baimena ematea ikasleari ikasteko. Hala zioen behintzat Martin Heidegger izeneko Filosofo Alemanak.
Carl Rogers-ek ere aipatzen du honakoa: "Nadie puede cambiar a nadie. Lo que puede hacer es crear las condiciones para que él, si quiere, cambie."
Esaldi hau oinarri harturik ondorengoa ondorioztatu daiteke: Irakaslearen funtzioa ez da irakastea, funtzioa da irakaskuntza prozesuetan laguntzea, denbora espazioak sortu, lekuak sortu, bitartekoak sortu, eta beraz, irakaskuntza prozesuak eman daitezen baldintzak sortu.
Olentzero maitea, ikasturtearen lehen urratsak zentzu honetan eman nahi izan ditut. Batzutan ulertua sentitu naiz, besteetan aldiz, gehienetan esango nuke, errotuegia dagoen sistema baten aurkako ahaleginean.
Ikatz piskat ez letorkidake gaizki. Bidea luzea da eta energiaren beharra izango dut eta ikatza erregai ona dela danok dakigu, ezta?

Helburuaren iman efektua.

Lagun batek esan zidan helburuak argi izatea imanaren efektu berbera duela.
Hau da, nora joan nahi duzun argi baduzu, bidea luzeagoa edo motzagoa izanik ere, iritsiko zara noizbait markaturiko helmugara. Helmugak erakarpen magnetikoa balu bezala.
Bideak ere badu bere garrantzia. Oker edo zuzen zoazen jakitea ez da erraza izaten. Sarritan geratu, ingurura begiratu eta burua kokatu beharra dago berriz ere oinez hasi aurretik.
Ibilian ibilian egiten da bidea eta bidean aurki daitezkeen seinale eta sentsazioei adi egotea komeni da. Seinale hauek dira bide zuzenean zoazen hala ez esaten dizutenak.
Orain gutxi seinale bat jaso dugu. Bai nik eta baita nire ikasleek ere. Seinaleak “Veintitrés maestros, de corazón – un salto cuántico en la enseñanza-“ izena du. Liburu bat da eta bere egilea Carlos Gonzalez izeneko katalan bat da.
Bere bloga ere interesgarria da. Hainbat lotura interesgarri ditu. Hala nola, berak eskeinitako elkarrizketak ageri dira. http://www.ladanzadelavida12.blogspot.com/

Helburuak finkatzen.

Ikasturte haseran 3 helburu finkatu genituen taldean.
1- Bidasoa aldeko aisialdiko aukeren ezagutza.
2- Aisialdi ekintzak ikasleek antolatzea.
3- Bidasoako aisialdiko aukerak eskeiniko dituen bloga osatzea.

2. Ebaluaketaren haseran gauden honetan beharrezkoa izan da helburuak berrikustea eta gehixeaho konkretatzea.

Garrantzi berezia du, adibidez, hirugarren helburuak. Eta nago hirugarren helburu hau izan daitekeela beste biak lortzeko bidea.
2. ebaluaketa honetako helburuetako bat izango da helburuen egokitzapena eta konkrezioa.
Prozesu hau ez dago soilik nire esku, baizik eta taldearen esku.
Nire esku dagoena da kondizioak sortzea, baldintzak sortzea aipaturiko helburuak lor daitezen.
Zeintzuk dira baldintza horiek?

Carl Rogers.

Interesgarria da pertsona honek psikologiari aportatu diona. Honatx bere biografia.

Sormena.

Aurkitu ditudan dokumentu pare bat aipatu nahi nituzke.
http://www.apoclam.net/cdprimaria/doc/1ciclo/profes/Como_trabajar_la_creatividad_en_el_alumnado.pdf

http://educar.jalisco.gob.mx/10/10miguel.html
Ondorengo esaldia ere interesgarria iruditu zait.

You tuben aurkitutako bideo interesgarriak sormenaren inguruan.

http://www.youtube.com/watch?v=RDlqfjXwyLg
http://www.youtube.com/watch?v=6OkKRf4HrUA

"El diseñador debe hacer lo que sea que necesite hacer para despejar su mente. Lo que sea que necesiten para escuchar al cliente y escuchar su propia intuición."

Bizikletan hondarribira.

Ikuspegiaren arabera osatzen omen da iritzia. Ikasle garaian gogoan dut buruan nuen irakaslearen irudia. Irakaslea zen. Estatus kontua. Gu txikiak ginen bere menpekotasunean.
Gaur Hondarribira joan gara bizikletan. Ikasleek antolatu dute irteera. Bizikletak ekarri, ibilbidea osatu, helburuak markatu, segurtasun arauak ipini,...
Ni bat gehiago izan behar nuen. Ez naiz bat gehiago izan, jakina. Oraindik behetik gora begiratzen naute. Nik ederki pasa dut eguna. Klasetik kanpora eta errespontsabilitateak konpartituta eskilaren arteko tartea txikiagotu dela nabaritu dut. Beraiek berdina pentsatu dutelakoan nago. Ez dakidana da nik jeitsi edo haiek igo dituzten eskilarak. Ziurrenik bi kasuak eman dira.
Konpetentziak dira hezkuntza dekretu berrian aipatzen diren lortu beharreko helburuak. Ikuspegiak ere landu behar dira. Ikasleak bakarrik ez dira konpetentzietan hezi behar.

4.A,Dko ikasleak izan dira Hondarribira tirriki-tarraka bizikletaz joan direnak.
Animo neska mutilak!

Arrantza.

Aurtengo kurtsoaren haseran neure buruari egiten nion ondorengo galdera? Zer arrantzatuko dut aurtengoan? Iazko urtea balorazio positiboarekin amaitu banuen, aurtengoaren hasera dudaz beterikoa izan da. Ikasle kopurua handitzearekin batera 3 talde berri sortu baitira.
Arrantzarako tresnak prestatu eta itsasora bota naiz inolako neopreno eta oxigeno bonbona gabe. Atzokoan ikasleekin joan nintzen Hondarribira arrantzara. Esperantza askorik ez genuen arrairik harrapatzeko eta hala izan zen. Arraiak lasai egon daitezke guregatik behintzat.
Hala da, ez genuen arrairik harrapatu bainan ezin esan ez genuenik arrantzarik egin. Nik gutxienez oxigenoa eta berotasuna arrantzatu nituen.
Hurrengo astean beste nonbaitera joango gara arrantzara. Zer arrantzatuko dugun jakitea, ordea, ez da erraza. Ziurrenik arraiak lasai lo egingo dute aurreko gauean.

Tenis club txingudi

4.Bko ikasleekin batera joan naiz Txingudi Tenis clubera. Eguraldi ez oso atseginarekin, tarteka euri tanta batzuk eta hegoaize zakar xamarrarekin ariru gara ordubetez tenisean eta padelean.
Iaz ere aritu ginen instalazio hauetan, aurtengoan , ordea, ezberdintasun batzuk nabaritu ditugu. Batetik, Padeleko pistei txapela moduko bat jarri diote eta ondorioz eguraldi txarretik salbu aritu gara. Bestetik, antolaketa aldetik hobekuntzak nabaritu ditugu eta momentu guztian ongi zainduak sentitu gara.
Mila esker Txingudiko Tenis klubekoei horren ongi zaindu gaituzuelako.
Beste bat arte.

Bide gorriak ezagutuz. Gaur Hendaia.

Gogoan dut afizionatu mailan nenbilela urtean zehar zenbat kilometro egiten nituen urte batean. 20.000 kilometro inguru. Ederra. Egia esan besterik ez nuen egiten, ez zitzaidan besterik egiteko denborarik geratzen.. Pedalei eragin eta eragin. Ez parrandarik, ez mendira irteerarik, ez beste kirolik. Halakoa da txirrindulariaren bizitza. Gogorra. Bainan gure amak dion bezala, gustoko lekuan aldaparik ez.
Gaurko irteerak gogora ekarritakoak dira goiko aipamenak. Abiatu gara Hendaiara bizikletan. Irteera puntua Ikastetxea. Erronka, iristea bide gorrian zehar Hendaiako hondartzaraino.
Asier eta Gorka izan dira gaurkoaren antolatzaileak. Eguraldi bikaina lagun plazera izan da ibilaldia osatzea.
Hurrengo astean Hondarribira joatekoak gara. Kontatuko dizkizuet bertan ikusiak.
Gaurko egunak pentsarazteko esaldia ere utzi dit. Zuoi ere helarazten dizuet esaldia ea niri adina pentsamendu sortzen dizuen: "Sortu ezazu diferentzia bat eta mundu berria bat sortuko duzu"

Umeentzako jolasak.

Gaurkoan Aitziberrek eta Mailenek umeentzako jolasak prestatu dituzte.
Hain zuzen, bi jolasez osaturiko saioa izan da. Batetik, zaldia eta zalduna eta bestetik Asterix eta Obelix.

Piraguarekin Bidasoako jeitsiera

Endarlatzatik Irunera. Bidasoa ibaian zehar piragua batez egin genuen ibilbidea. Lagun izan genuen eguraldi beroa, sargoria. 3 ordu ingurutan osatu genuen 10 kilometroko ibilbidea.
Santiagotarrak elkartearen eskutik gozatu ahal izan genuen piraguako irteera.
Oso atseginak izan ziren momentu guztian. Edozein laguntza emateko beti prest.
Urtetako esperientzia badute Santiagotarrak elkartekoek halako irteeratan.
Irteera oso ongi atera zen, antolaketa bikaina eta partehartzaileak oso gustura irten ginen uretatik.
Mila esker Santiagotarrak elkarteko lagunei. Plazer bat izan da zuekin elkar lanean aritzea.
Hurrengo urterarte!